Jæja það er ansi langt síðan að ég bloggaði síðast....

Það hefur nú ekki mikið gerst síðan síðast en nú samt eitthvað til að segja frá.

Maður er bara að vinna á fullu í Akri og vera á æfingum og sinna kærustunni....já rétt kærustunni ég á kærustu núna og búinn að vera með henni í einn og hálfann mánuð. Hún heitir Auja og er yndisleg. Við kynntumst nú bara á Café Mörk.. þeim merkis stað en það var eftir 2 langar vinnuvikur fyrir norðan. Þá var unnið í 16 tíma á dag og það var svoldið slítandi svo ég ákvað að fara og fá mér einn bjór eftir að ég kom heim. Þá gerðist það bara að ég kynntist Auju og við höfum bara ekki geta slitið okkur frá hvort öðru síðan.

Það er samt svoldið undarlegt að vera ekki í skóla á þessum tíma árs. Þar sem flestir mínir félagar eru nú í skóla og þess háttar. Maður reynir svona að hitta þá þegar maður getur en það er yfirleitt eitthvað að gerast hjá manni svo maður getur ekki hitt þá lengi.

Bíllinn minn var með leiðindi í þessari viku en það reddaðist.... Sem betur fer.

Félagi minn Helgi Hafsteins var að verða pabbi og eignaðist stelpu. Ég óska þeim til hamingju Helga og Soffíu með stelpuna :)

Svo framundan er utanlandsferð með karate-inu en það verða æfingarbúðir í London með idolinu mínu honum Richard Amos. Svo þið skiljið hvað ég meina þá er það eins og ef Teitur og Hafðór litlubræður mínir fengu að æfa með Tierry Henry eða Beckham eða eitthvað álíka. Ég get varla beðið eftir þessum æfingarbúðum en ég fer út 23 Nóvember.


En já ætla ekki að hafa þetta mikið lengra

See ya all out there...

IngÓ